A bancada socialista asegura que "despois de coñecer os informes desfavorables, que son perceptivos e vinculantes para a modificación puntual do PXOM, o que suporía cambiar a catalogación dos terreos forestais protexidos para usos dotacionais e terciarios, solicita a retirada de dita modificación e o abandono deste proxecto".

Os socialistas apoianse "nos informes desfavorables de Fomento, a Confederación Hidrográfica Miño-Sil, Deputación de Pontevedra e o informe con salvedades de AENA, para a súa petición. Estes argumentan que un proxecto con deficiencias coma as que salientan estas administracións non pode levarse a cabo" sinalan.

Fomento resalta que o proxecto implica alteracións no servizo e seguridade nas estradas estatais afectadas, o estudo de tráfico non está xustificado e desaconsellan a aplicación de novos accesos no tramo de concentración de accidentes. A Confederación Hidrográfica Miño-Sil emitiu un informe desfavorable en canto a dispoñibilidade xurídica da auga para o proxecto e cuestións relativas a augas pluviais e a non existencia dunha reserva de auga. AENA tampouco emitiu un informe favorable, xa que este queda condicionado a inclusión no proxecto de aspectos que impliquen as subsanacións indicadas. Ademais do informe desfavorable emitido pola Deputación de Pontevedra, posto que entenden o proxecto coma un documento falto de concreción e con erros, onde non se ten en conta a orográfica dos terreos para a realización da estrada alternativa a provincial e non resolve o problema do incremento de tráfico que xerarán os novos usos previstos.

A voceira socialista, Victoria Alonso, di que un proxecto con estas deficiencias e con estes informes perceptivos e vinculantes desfavorables non ten razón de ser. Engade que o xa exposto pola veciñanza e os comuneiros de Tameiga, a retirada deste proxecto que faixe máis imprescindible con esta nova información. Mostrase partidaria de que o Concello de Mos adopte un postura máis intelixente e faga caso de técnicos que aluden os problemas relativos a accesibilidade, auga, medioambientais e cuestións sociais.

Alonso quere recordarlle a rexedora local que máis da metade dos votos da veciñanza mosense non apoiaron este proxecto, por tanto ir en contra do que quere Mos e ir en contra de Mos. Tamén engade que a situación económica do concello pasa por facer unha boa xestión e traballar para que o concello medre, di que non se conseguirá cumprindo os caprichos dun empresario que mira polo interese propio.