Cal é o colmo dunha enfermeira? Poñerse enferma. E se isto sucede nos seus días libres, é aínda peor porque non pode  automedicarse e ten que ir ao seu centro de saúde a por receitas.

Así empeza esta nova entrega das aventuras de  Satu. Aquí descubrirás que os puntos para a bolsa de emprego son os  bitcoins da sanidade, que os pixamas tamén van de Erasmus xa que se botas a lavar un do Servizo  Galego de  Saude poden devolverche outro do Servizo de Saúde de Castela e León, que escoitar "paciente independente, orientado e colaborador" pode producir máis pracer que o  satisfyer e que a final de mes unha enfermeira con quenda de noite viu máis lúas que Joseba o de  Carglass.