Entran en funcionamento os botóns  de proximidade que non precisan contacto táctil para activar os semáforos do Porriño. Trátase dunha medida relacionada cos protocolos de prevención anti-Covid19 co fin de previr riscos de contaxio.

Os botóns están colocados nos semáforos de tres cruces da vila. Un deles na Avenida Domingo Bueno, nº 2, á altura da cafetería “Scala”. Tamén na mesma avenida, nos semáforos sitos diante do Centro Cultural Municipal e Biblioteca.   E na rúa Antonio Palacios na intersección coa rúa Pérez Leirós. Quedan por colocarse noutros dous semáforos na rúa Antonio Palacios, fronte ao Instituto Pino Manso, pero agardarase a que conclúan as obras de ampliación de beirarrúas que están a facerse.