Desde o Concello de Mos informan á cidadanía mosense de que a Xerencia Territorial do Catastro de Pontevedra ven de comunicar que a partir de hoxe, todos os cidadáns poderán realizar os seus trámites ante Catastro na Sede electrónica, mediante a verificación de datos do DNI, sen necesidade de dispoñer de Certificado Electrónico ou clave pin. Se teclean http://www.sedecatastro.gob.es no seu navegador, accederán á Sede electrónica do Catastro.

TRÁMITES ANTE CATASTRO. Permite a realización de todos os trámites antes catastro, ben usando a clave CSV que se lle facilitou para o efecto (alegacións, atención a requirimentos, cotexo de documentos), ou ben mediante autenticación (declaracións, solicitudes, recursos e escritos xenéricos).

EXPEDIENTES EN CATASTRO. Ademais, calquera cidadán pode acceder á información sobre os expedientes dos que é parte interesada, clicando na opción “Expedientes”, ben introducindo un código CSV, ben autenticándose con Certificado electrónico ou Cl@ve.

CONSULTA DE INMOBLES. A consulta de inmobles dos que é titular, seguirá requirindo uso de certificado dixital ou Cl@ve.

Para máis información ou consulta de dúbidas: Xerencia Territorial do Catastro de Pontevedra. Teléfono 986 86 83 11, e-mail gerencia.pontevedra@catastro.minhafp.es