Tras moitas semanas observando e avaliando o progreso da pandemia e despois das consulta feitas  coas autoridades do Concello de Mos e co Departamento de Xuventude da Xunta de Galicia, a organización de DEMOSTRA decidiu cancelar e aprazar a 3ª edición do festival, prevista para os días 5 e 6 de setembro, para o vindeiro ano 2021.

 Debido á situación extraordinaria actual, as limitacións de aforo para o evento xunto a todas as medidas sanitarias, desinfeccións e distanciamento social necesarios, “vemos hoxe máis que nunca como máxima preocupación (e prioridade) garantir a seguridade de visitantes, deportistas, monitores, organización e os corpos de seguridade do Estado” explican.

 Aseguran que “sen dúbida a cancelación do festival supón unha mágoa para toda a familia que conforma o DEMOSTRA, pero seguiremos traballando para ofrecer no vindeiro ano todas as novidades e melloras nas que estamos a traballar desde hoxe mesmo para facer de Mos un referente na cultura urbana”.

 Tamén quixeron “dar as grazas ó público e ós/as deportistas que mostran o seu apoio incondicional para o noso festival, esperamos a vosa compresión con esta nova situación”.

O festival queda aprazado incialmente ata o 2021.