Segundo ACIP, das "cinco fontes públicas analizadas no Centro Urbano, catro dan 'non aptas', e o  Concello dá a calada por resposta".

"A falta de información municipal pon en grave risco a saúde dos veciños, pois o Concello non informa públicamente nin coloca carteis informativos nas fontes analizadas que non son aptas para o consumo humano" denuncia o partido da oposición.

O Portavoz municipal de ACiP Juan Carlos González Carrera, cualifica a aptitude do Concello de "intolerable e irresponsable, considerando un deixamento grave, que obriga a este grupo a poñer en coñecemento da Consellería de Sanidade novamente o alto risco para a saúde pública dos veciños".

"Levamos anos esixindo o control de todas as fontes públicas do Concello. Nun pleno municipal no ano 2015 a proposta de ACiP, aprobouse a realización dun censo de todas as fontes públicas para o seu control, sinalización e realización das analíticas periódicas que a lei obriga" explica.

"Pasados cinco anos a situación segue sendo igual. O Concello non realiza case ningunha analítica nas fontes públicas. Segundo datos que manexamos, no  Concello existen oficialmente máis de 100 fontes públicas, aínda que o Concello non sabe contestar cantas hai" asegura.

"Das 5 fontes analizadas, Fonte da Fama en San Roque , Fonte de Canedo, Fonte de Rúa Real e Fonte de  Baratillo, as 4 dan como 'NON APTAS' dando só como aptas a fonte Vermun grazas ao traballo dos veciños na súa limpeza e control, pagando moitas veces as analíticas dos seus petos" indican dende ACIP.