No Pleno ordinario celebrado na tarde do martes 28, a totalidade dos concelleiros da Corporación Municipal votaron a favor dunha moción presentada pola Plataforma veciñal de Ribadetea, na que se acordou pedirlle á Xunta de Galicia "que elabore o proxecto de execución da totalidade do saneamento da parroquia, así como cumprir o seu compromiso de aportar o 80% do seu custe".

Esta actuación na parroquia máis poboada de Ponteareas, na que aínda carecen de saneamento os seus 900 habitantes, forma parte da programación de obras do Plan Director de Saneamento, iniciativa deste goberno que permitirá achegar este servizo básico aos máis de 7.000 veciños e veciñas que a día de hoxe carecen del, a maioría nas parroquias de Ponteareas.

 

O Concello xa ten reserva de 200.000 euros no orzamento de 2020 para a primeira fase

 

“O Concello xa ten unha reserva orzamentaria no 2020, e asumiremos o 20% do custo da totalidade da obra”, afirmou o alcalde de Ponteareas, Xosé Represas.