Este pasado venres unha pelexa fixo que os veciños alertasen a unha patrulla da Policía Local, acudindo ao lugar dos feitos un axente e un auxiliar que acababa de incorporarse esta semana.

O suceso ocurría de madrugada nunha céntrica rúa la localidade que estaba atestada de xente nas numerosas terrazas existentes.

A intervención da única patrulla da Policía Local, dispoñible nese momento para toda Ponteareas, terminaba co axente e o auxiliar de policía lesionados cando tentaba de mediar na pelea, ambos foron agredidos e tiveron que ser axudados por varios veciños.

Dende o partido Socialista veñen de emitir un comunicado  no que piden ao concelleiro responsable “un maior control destas zonas de ocio” ao tempo que condenan os feitos.

Dende a oposición a viceportavoz de ACiP Raquel Bautista lembra que “ACiP leva varios anos denunciando o desmantelamento da policía local, mais cando o goberno local non pon medidas para frear a marcha de policías locais formados, que se van de Ponteareas ante a crispación que o propio goberno crea, poñendo á fronte a funcionarios a dedo que crean mal ambiente, non podendo crear un corpo efectivo e acorde ás necesidades deste Concello”.

Bautista sinala “ como único responsable desta situación ao Sr.Represas, pois mentres está de vacacións, Ponteareas segue igual, sen policía Local e cunha situación que xamais se produciu neste Concello”.

Ademáis lembra que “Ponteareas no ano 2010 cando o noso Portavoz Juan Carlos González era responsable da policía Local existían 25 Axentes e oficiais, tendo dúas patrullas as fins de semana realizando controis  disuasorios nas entradas do Pobo e realizando controis diarios, cuestión que agora é imposible realizar, pois unha única patulla de Policía composta por un Policía e auxiliar é como non ter nada, pois o auxiliar é un simple acompañante do axente. Na actualidade só hai 7 e tres en prácticas, por algo será”.

Pola súa parte dende o goberno local non emitiron ningún comunicado valorando os feitos acontecidos.