Desde Mais Porriño veñen de emitir un comunicado no que esixen ao Concello do Porriño que "rectifique o erro de sancionar os transportistas que foron sancionados días atrás, xa que no lugar no que foron sancionados e un lugar habitual de parada de estos profesionais desde fai moitos anos, e ademais é un terreno privado"

"Entendemos que si existiu de verdade algunha queixa veciñal o asunto se resolve notificando os profesionais que non deben de aparcar no terreo, e esixindo a propiedade o peche do lugar é, en todo caso, con colocación de sinais indicativas o respecto, e un tempo de carência sancionadora con actividade informativa desde o concello" sinalan.

Explican que "enviar os axentes de madrugada, de forma casi furtiva, parece-nos un acto cuasi mafioso, a policía local debe estar para axudar, para facer cumplir as normas, pero desde a colaboración con os  cidadáns, e non contra eles, ainda mais mestos tempos de crise, que necesitamos atraer visitantes, (turistas de ocio pero tamén profesionais), e non espantalos".

"Entendemos que facer as cousas ben da seu traballo, e máis fácil sancionar as escondidas, pero tamén entendemos que facer as cousas ben é o que esixen, e deben esixir, os cidadáns dos seus gobernantes, en este caso do equipo de goberno do concello do Porriño" conclúen dende Máis Porriño.

O Concelleiro de tráfico xustifica as multas polas "chamadas dos veciños"

Pola súa aprte o concelleiro de Tráfico, Sergio Casal explicou que as multas a 25 camións formuladas pola Policía Local na noite do luns 3 ao martes 4, na zona das Sequeiras, "responde ás repetidas queixas veciñais”.

Na noite do pasado luns 3, o concelleiro asegura que recibiu "diversas chamadas de veciños da zona protestando pola acumulación de camións aparcados". Sergio Casal solicitou a Policía Local que intervira o que desencadeou as 25 multas que sumarían un importe duns 5.000 euros recadados polo Concello do Porriño nesta noite.