Ante a situación de novos rebrotes da COVID-19 en municipios próximos, desde o Concello de Mos fan un chamamento á responsabilidade individual da cidadanía mosense e lembran a OBRIGATORIEDADE DO USO DA MASCARILLA.

Dende a administración local lembran que "hai que usala sempre que se transite ou se estea en movemento pola vía pública e en espazos ao aire libre aínda que se poida garantir a distancia de seguridade."

Tamén recordan que "é obrigatoria en todos os espazos pechados sempre que se coincida con outras persoas, independentemente de que se poida manter unha separación de metro e medio co resto de xente".

Por último explican que para a clientela dos negocios de hostelería tamén é necesario o seu uso "podendo retirala no momento específico do consumo".