Despois de abrir a reserva online na súa web do novo deportivo GR Yaris, Toyota España activa o mesmo proceso para o novo Toyota Yaris Electric Hybrid na súa edición especial de lanzamento ‘Style Premiere Edition’.

O novo Toyota Yaris Electric Hybrid está chamado a ser o referente grazas a un sistema híbrido eléctrico máis potente e eficiente, con 85 kW / 116 CV de potencia conxunta e un consumo medio e unhas emisións realmente baixas —3,8 l/100 km e 85 g/km de CO2 (ciclo WLTP)—, a súa plataforma GA-B derivada da Nova Arquitectura Global de Toyota —Toyota New Global Architecture (TNGA)—, que chega por primeira vez a un modelo urbano de Toyota e que lle permitirá sobresaír non só en contornas urbanas senón tamén na estrada grazas ao seu excelente tacto de condución, un completo equipamento e as mellores cotas de seguridade do segmento grazas a Toyota Safety Sense 2.5 e o seu innovador airbag central, situado entre os asentos dianteiros.