O último Citroën 2CV saíu da cadea de montaxe de  Mangualde, en Portugal, hai 30 anos, o 27 de xullo de 1990. Este modelo iniciara a súa historia de éxito no Salón do Automóbil de París de 1948. Cando se presentou por primeira vez, os 2CV sorprendeu polo seu orixinal deseño, a súa versatilidade e a súa economía, pero soubo distinguirse tamén polas innovacións tecnolóxicas que achegaba, moi avanzadas para a súa época e entre as que destaca a tracción dianteira, a suspensión elástica e o motor de dous cilindros refrixerado por aire. O elevado número de pedidos que rexistrou demostraba que o pequeno coche converteríase rapidamente en parte integrante da sociedade e, co tempo, nun das grandes iconas da historia do automóbil.

O Citroën 2CV desenvolveuse pensando nun público moi amplo e nun momento no que o automóbil era aínda un obxecto de luxo. Era un vehículo económico con características innovadoras pensado para responder as necesidades da época. Os 2CV conquistou ás masas coa súa excepcional formulación e en 1990 a totalidade de exemplares vendidos superaba os 5,1 millóns, incluíndo no cómputo global as versións furgoneta.

“MADE  IN  SPAIN”

En España, o Citroën 2 CV tivo un papel fundamental no desenvolvemento da industria de automoción. En 1958, abría as súas portas, na Zona Franca de Vigo, a fábrica de Citroën  Hispania. O primeiro modelo que saíu das liñas de montaxe da planta galega foi os 2 CV, na súa versión furgoneta.