Dende a Asociación de Veciños Ponteareas Saudable creen que "o concello debería denunciar ao inxenieiro redactor do proxecto por estafa, xa que ocultou datos esenciais e desinformou nunha entrevista periodística".

Nuncomunicado de prensa aseguran que "a información ocultada pódese consultar na guía do Panel Internacional sobre o Cambio Climático (IPCC) e comprobar por exemplo que mentres o Gas/Diesel Oil emite 74,1 t/TJ (toneladas por terajulio de enerxía), o Gas Natural, 56,1 t/TJ, a madeira e podas de madeira emite 112 t/TJ".

"Resulta, polo tanto,  que o proxecto que o alcalde vendeu á veciñanza como 'exemplar e inocuo, que sitúa a Ponteareas na vangarda enerxética', constitúe en realidade un timo do que está sendo vítima o propio goberno municipal e a xente que creo nas súas falsedades" explican os veciños nun comunicado de prensa.

Segundo a asociación Partnership for Policy Integrity, "a biomasa é peor que o carbón, peor que o petróleo e peor que o gas natural, tanto pola baixa relación enerxía / carbono inherente á madeira, como tamén porque as instalacións de biomasa normalmente funcionan con eficiencia considerablemente inferior ás instalacións de combustible fósil. As emisións típicas de CO2 nunha planta de biomasa a escala de servizos públicos son do 150% as dun queimador de carbón e do 300 ao 400% as das instalacións de gas natural".

Para o  mércores, día 30, ás 20:00, a Asociación de Veciños Ponteareas Saudable convoca unha concentración con cacerolas diante do concello coincidindo co Pleno municipal.