A delegada da Xunta en Vigo, Marta Fernández-Tapias, trasladouse esta semana ata o Concello de Soutomaior no marco da rolda de contactos iniciada cos alcaldes tras tomar posesión como nova representante do Goberno autonómico na área territorial.

No encontro, Fernández-Tapias tivo a oportunidade de analizar co munícipe desta localidade pontevedresa, Agustín Reguera, os temas relacionados coa Administración galega e que son prioritarios para o concello en materia de educación, saneamento ou sanidade, entre outros. Así, durante a xuntanza fixeron repaso dos grandes proxectos e necesidades que dependen da Xunta de Galicia.