A súa Santidade o Papa Francisco recibiu un Toyota Mirai impulsado por hidróxeno e perfectamente adaptado ás súas necesidades de mobilidade como agasallo da Conferencia Episcopal Católica de Xapón — Catholic Bishops' Conference of Japan (CBCJ)—.

O coche é un dos dous vehículos Toyota Mirai especialmente fabricados por Toyota e doados á Conferencia Episcopal Católica de Xapón para as necesidades de mobilidade do Papa Francisco na visita que realizou a Xapón en novembro do ano pasado.

O novo papamóvil ten unha lonxitude de 5,1 metros e unha altura, incluíndo o teito, de 2,7 metros, o que permite ao Papa Francisco pararse e saudar de pé sendo visible para o público. O Toyota Mirai, cuxo nomee en xaponés significa ‘futuro’, é a primeira berlina alimentada por hidróxeno de produción en serie do mundo.

Mirai é o xenuíno coche cero emisións, alimentado por un sistema de pila de combustible de hidróxeno, o que permite unha autonomía de ao redor de 500 km coa única emisión de auga polo seu escape, sen emisións contaminantes como CO2, Nox e partículas.