O alcalde de Vigo, Abel Caballero, visitaba a semana pasada a nova sede da Tesourería da Seguridade Social, o novo edificio situado onde antigamente atopábase A Metalúrxica. “Destaca pola súa composición arquitectónica, é un espazo moi digno de traballo, con condicións para os profesionais, quero mostrar a miña satisfacción polo novo local, porque tamén vai facer visible o seu traballo extraordinario”, apuntou.

Caballero, que fixo a visita xunto á presidenta da Deputación, Carmela Silva, indicou que nas novas instalacións traballarán un total de 210 persoas para atender a un volume medio de 75.000 persoas ao ano, procedentes de Vigo, Redondela, Pazos de Borbén, Cangas, Moaña, Vilaboa e Bueu. “Darei ao presidente do Goberno, Pedro Sánchez, o agrado da cidade pola nova dependencia pública, que dará unha mellor atención, que é o que nos importa”, apuntou.