Oia
Oia aproba no pleno o seu Plan de Acción polo Clima e a Enerxía Sustentable
O documento recibiu o respaldo do PP, a abstención do BNG e o voto en contra do PSdeG-PSOE
O Concello de Oia xa conta co seu propio Plan de Acción polo Clima e a Enerxía Sustentable (PACES), un documento onde se inclúen medidas para frear o cambio climático e reducir a pegada de carbono, converténdose deste xeito nun municipio respectuoso e concienciado co medio ambiente.
O PACES recibiu o visto e prace no pleno ordinario celebrado este xoves, contando co respaldo do grupo municipal do PP, a abstención do BNG e o voto en contra do PSdeG-PSOE. Con esta aprobación cúmprese un dos compromisos asumidos polo Concello cando ingresou, o pasado ano, no Pacto de Alcaldías para o Clima e a Enerxía.
O Plan aborda unha serie de actuacións destinadas a reducir a pegada de carbono do concello en diversos ámbitos: inmobles e instalacións municipais, edificación residencial, transporte e mobilidade, produción de enerxía e xestión de residuos, entre outros.
A Administración local contou cun total de 3.993 euros para a elaboración do antedito documento. Esta cantidade procede das axudas a entidades locais asinantes do Pacto das Alcaldías para o Clima e a Enerxía Sostible, co apoio da Consellería de Medio Ambiente, Territorio e Vivenda da Xunta de Galicia e dos Fondo Feder da UE, baixo o lema “Unha maneira de facer Europa”.
Compromisos
Coa adhesión ao Pacto, o Concello asume unha serie de compromisos entre os que destacan a redución das emisión de dióxido de carbono nun 40% (redución da taxa de emisións per cápita) antes de 2030, a mellora da eficiencia enerxética e o aumento do uso de enerxías renovables.
Tamén se promoverán modos de mobilidade alternativos e se desenvolverán medidas encamiñadas a aumentar a capacidade de adaptación e a resiliencia do municipio fronte ao cambio climático e os seus riscos. Así, apostarase por un uso máis racional da auga, por unha planificación adecuada do uso do solo e dos recursos naturais, por un aumento da autosuficiencia a todos os niveis e pola protección da biodiversidade.
Ademais, o proceso incorporará a visión da cidadanía, corresponsabilizándoa como parte imprescindible para o desenvolvemento das medidas e a consecución dos obxectivos do PACES.
O Concello de Oia xa conta co seu propio Plan de Acción polo Clima e a Enerxía Sustentable (PACES), un documento onde se inclúen medidas para frear o cambio climático e reducir a pegada de carbono, converténdose deste xeito nun municipio respectuoso e concienciado co medio ambiente.
O PACES recibiu o visto e prace no pleno ordinario celebrado este xoves, contando co respaldo do grupo municipal do PP, a abstención do BNG e o voto en contra do PSdeG-PSOE. Con esta aprobación cúmprese un dos compromisos asumidos polo Concello cando ingresou, o pasado ano, no Pacto de Alcaldías para o Clima e a Enerxía.
O Plan aborda unha serie de actuacións destinadas a reducir a pegada de carbono do concello en diversos ámbitos: inmobles e instalacións municipais, edificación residencial, transporte e mobilidade, produción de enerxía e xestión de residuos, entre outros.
A Administración local contou cun total de 3.993 euros para a elaboración do antedito documento. Esta cantidade procede das axudas a entidades locais asinantes do Pacto das Alcaldías para o Clima e a Enerxía Sostible, co apoio da Consellería de Medio Ambiente, Territorio e Vivenda da Xunta de Galicia e dos Fondo Feder da UE, baixo o lema “Unha maneira de facer Europa”.
Compromisos
Coa adhesión ao Pacto, o Concello asume unha serie de compromisos entre os que destacan a redución das emisión de dióxido de carbono nun 40% (redución da taxa de emisións per cápita) antes de 2030, a mellora da eficiencia enerxética e o aumento do uso de enerxías renovables.
Tamén se promoverán modos de mobilidade alternativos e se desenvolverán medidas encamiñadas a aumentar a capacidade de adaptación e a resiliencia do municipio fronte ao cambio climático e os seus riscos. Así, apostarase por un uso máis racional da auga, por unha planificación adecuada do uso do solo e dos recursos naturais, por un aumento da autosuficiencia a todos os niveis e pola protección da biodiversidade.
Ademais, o proceso incorporará a visión da cidadanía, corresponsabilizándoa como parte imprescindible para o desenvolvemento das medidas e a consecución dos obxectivos do PACES.
Normas de participación
Esta es la opinión de los lectores, no la de este medio.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
Normas de Participación
Política de privacidad
Por seguridad guardamos tu IP
216.73.216.149