ABANCA e a Asociación de Comerciantes e Industriais do Porriño (ACIPOR) veñen de renovar o seu acordo de colaboración de tipo financeiro que ten como obxecivo impulsar e manter os negocios locais no marco da situación social e económica xerada pola crise da COVID-19.

A presidenta da Asociación de Comerciantes e Industriais do Porriño, Juana Pérez Rodríguez, e o director da oficina do Porriño-Ramón González, Jorge García González, foron os encargados de rubricar o convenio de colaboración nesta localidade pontevedresa e deste xeito renovar o compromiso que mantén o banco co tecido empresarial da zona.

No documento reflíctese a posta a disposición dunha serie de servizos e produtos financeiros que permitirán dar resposta ás necesidades das empresas, sempre coas mellores condicións. Así, contarán con produtos deseñados de forma específica para poñer en marcha novos proxectos empresariais , pero tamén para mellorar a competitividade dos existentes. Por isto, ABANCA ofrece unha serie de préstamos e outras opcións de financiamento como as pólizas de crédito, leasing mobiliario, avais ou liñas de desconto comercial.

 

O banco activa as liñas de financiamento do ICO para apoiar as necesidades dos asociados

 

Ademais, para facilitar a competitividade dos asociados, os clientes terán á súa disposición o servizo de financiamento APLAZOS que lles ofrece o banco, co que poderán financiar as compras de forma rápida, sinxela e económica.

No texto tamén se recolle unha oferta mellorada para a contratación de TPV físico, pero tamén virtual , que cobra especial importancia hoxe en día, en especial polas necesidades actuais de distanciamento social.

Así mesmo, ABANCA reforza o seu compromiso co sector mediante o apoio ás necesidades actuais dos asociados, acentuadas notablemente pola crise da COVID-19.

Polo tanto, o banco activa as liñas de financiamento oficiais do organismo público ICO.

A maiores, tanto comerciantes como empresarios adheridos poderán beneficiarse das vantaxes que ofrece o Programa Cero Comisións de ABANCA , que permite deixar de pagar polo mantemento das contas e tarxetas, pero tamén por outros servizos habituais como transferencias ou ingreso de cheques.