No Centro de Saúde do Porriño están convocados dende hoxe e nos vindeiros días, veciños do Porriño, Mos e Salceda de Caselas, maiores de 80 anos, para vacinarse coa primeira dose na campaña COVID-19.

A xornada transcorre sen incidencias nin aglomeracións.

A Policía Local habilitou a marxe dereita da rúa Doutor Paz Varela para o estacionamento de coches que transportan a estas persoas e que poden esperar a que remate o proceso de vacinación. Esta circunstancia facilitou hoxe a espera que tiveron que manter os convocados para vacinarse, xa que o camión frigorífico que traía as vacinas chegou tarde e o proceso de vacinación comezou unha hora despois.