A Axencia de Colocación do Concello de Mos, desde a concellería de Promoción Económica, Desenrolo Empresarial e Emprego, que dirixe a edil Julia Loureiro, organiza unha nova acción formativa que nesta ocasión consiste nun Curso de Manipulador de Alimentos e Alérxenos. Conta con 20 prazas presenciais e 10 on line e o obxectivo principal do curso de manipulador de alimentos e alérxenos é proporcionar unha información clara e de fácil comprensión que permita ás persoas que manipulen alimentos afrontar o día a día do seu traballo coas máximas garantías hixiénicas. Ademais pretende concienciar aos que manipulen e transforman os alimentos sobre os perigos que conleva a contaminación dos alimentos. Coñecer as causas que provocan as intoxicacións alimentarias. Aplicar das medidas preventivas necesarias para evitar a contamimnación dos alimentos. Realizar unha correcta limpeza e desinfección dos utensilios e instalacións. Levar a cabo un adecuado aseo e hixiene persoal. Ter coñecementos dos autocontrois para garantizar a hixiene dos alimentos. Cumplir a lexislación sanitaria vixente.

O programa didáctico que se impartirá íntegramente mañá, mércores 10 de marzo, data na que se realiza o curso, inclúe varios temas como os sistemas de autocontrol baseados nos principios de análise de perigos de pùntos críticos (APPCC); os perigos nos alimentos. medidas preventivas para eliminar ou reducir o risco, principais enfermedades, factores contribuíntes máis frecuentes na aparición das enfermidades vinculadas aos alimentos e as medidas necesarias para a súa prevención, prácticas correctas de hixiene e manipulación de alimentos, condutas hixiénicas positivas, lexislación xeral, e alérxenos e intolerancias.

A duración desta acción formativa é de 4 horas, desde as 16:00 a 20:00 horas da tarde de mañá.