Dende a sección sindical da CUT no concello de Vigo, informan da execución definitiva da sentenza dos decretos ilegais no servizo de bombeiros imposto polo concello de Vigo aos seus traballadores.

O xuíz do contenciosos "acaba de emitir un auto ordenando ao concello a cumprir as sentenzas que anularon o decreto de reforzos, baixo apercibimento de impoñer multas coercitivas aos funcionarios e autoridades responsables de incumprir as sentenzas" sinalan.

"Despois de que o concello de Vigo téntase por derradeira vez seguir impoñendo os decretos ilegais a través dun incidente de execución, o xuíz desestima o mesmo obrigando ó concello a deixar sen efecto o decreto e en caso de incumprimento con apercibimento de multas" explican.

"O xulgado non é, segundo o xuíz, o que ten que dar as solucións para o problema gravísimo de falla de persoal. Ten que ser o concello o que organice e de solución o problema por eles xerado, xa que son as súas competencias legáis e non as do Xuíz" segundo explican dende a CUT.

O sindicato indica ademais que "pola parte da concelleira de seguridade e persoal Elena Espinosa responsable directa da solución dos gravísimos problemas que acontecen no servizo de bombeiros da cidade, sabendo claramente cal ía ser a resolución xudicial, preferiu negarse a negociación e seguir perdendo o tempo. Un tempo crucial para o servizo e para a cidade,que seguen un baixo mínimos e outra sen o servizo fundamental que dan os bombeiros".