“Pola súa estética que mestura elementos dos SUV coa elegancia das berlinas, o seu nivel de confort e o seu espazo interior o Novo Citroën C4 converteuse nun dos grandes referentes do seu segmento. Só tres meses sepárannos do seu lanzamento comercial e, este automóbil “Made in Spain”, xa é o segundo modelo máis vendido na súa categoría. Un éxito ao que non é allea a súa versión eléctrica, o Citroën ë-C4, que xa supón un 18% da súa produción total. Está claro que o público, tanto en España como no resto de Europa, está a apostar por unha visión innovadora da berlina media totalmente inspirada nas necesidades das persoas”, afirma Nuno Marques, Director de Citroën para España e Portugal.

Tres meses bastáronlle á nova xeración do Citroën C4 para romper moldes no mercado. Xa en marzo, a nova berlina de gama media situouse como o segundo modelo máis vendido da súa categoría, unha proeza que di moito sobre o atractivo da súa estética innovadora, o seu completo equipamento tecnolóxico e o seu alto nivel de confort. Un éxito que transcende fronteiras, como demostra que o 82,6% dos C4 e ë-C4 que se fabrican, en exclusiva mundial, en Madrid destínense á exportación.