O Concello de Nigrán colabora co Cineclub Val Miñor Alice Guy para ofrecer este xoves no Auditorio Municipal desde as 20:00 horas unha selección das mellores curtometraxes do Festival Internacional de Curtametraxes de Bueu (FICBUEU 2020), tal e como xa fixera no 2019. A entrada é de balde ata completar o aforo permitido polas autoridades sanitarias.

As curtas que se proxectarán son as seguintes:

• THE PRESENT, Palestina, 24 minutos.
• OLLA, Francia, 27 minutos.
• THE MANILA LOVER, Noruega-Filipinas, 26 minutos.
• FLEUR DE PAVOT, Francia-China, 20 minutos,
• SKIN, Estados Unidos, 20 minutos.

O Festival Internacional de Curtametraxes de Bueu nace en 2008 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público.