Para o Portavoz Municipal de ACiP Juan Carlos González Carrera “a situación que están a vivir os veciños de Picón roza o surrealista. Obras que comezan no Concello e que nunca terminan, unha obra que comezou en xaneiro cun prazo de execución de tres semanas e un orzamento de 50.315,38€, son a suma da falta de control do goberno local, e que provocou caída de peóns debido ás fochas, agravado en sentido ascendente cunha importante subida, sumado aos restos de terra e cascotes que encima do vello asfalto son un verdadeiro perigo tamén para os propios vehículos”.

En días pasados varios Concelleiros de ACiP visitaron as obras ante as denuncias recibidas dos veciños e comprobaron que “dita situación é un grave perigo para vehículos e peóns, por iso esperamos unha inmediata resposta ante tal situación”.

Na visita, tras revisar o proxecto, detectaron “que non se executaron preto de 150 metros lineais de tubaxe de saneamento debido a que o Concello marcou a realización da obra por onde xa existía un saneamento de 70 metros lateralmente á igrexa Parroquial de Angoares, e outros tantos no Barrio de Picón , polo que solicitamos á Concellería de Obras que dita partida sen realizar continúese no barrio de Picón cara ás vivendas continuas, así se resolvería a falta de saneamento de mais de 10 vivendas”.