A Xunta inicia os trámites para a adxudicación de 12 vivendas protexidas en Vigo

Segundo informou a delegada territorial da Xunta en Vigo e presidenta do Consorcio Casco Vello, Marta Fernández-Tapias, trátase de seis vivendas rehabilitadas polo CCVV e outras seis promovidas pola cooperativa de San Paio

A delegada territorial da Xunta de Galicia en Vigo e presidenta do Consorcio Casco Vello de Vigo (CCVV), Marta Fernández-Tapias, informou do inicio do procedemento para a adxudicación de doce vivendas protexidas de promoción privada no concello de Vigo. Trátase de seis vivendas promovidas polo organismo público rehabilitador e outras seis correspondentes á cooperativa de San Paio.

Por unha parte, a Comisión provincial de vivenda acordou iniciar o procedemento de adxudicación en réxime de compravenda das seis vivendas do CCVV.

Na rúa San Francisco 15 atópanse dúas das vivendas do Consorcio, que actualmente están en execución

Número de vivendas	Características das vivendas	Prezo de venda
1	110,54 m². 3 dormitorios. Baixo e 1º andar	188.000 €
1	119,65 m². 3 dormitorios. 2º e 3º andar	210.000 €

As outras catro están na rúa Ribeira Berbés 29, tamén en estado de execución

Número de vivendas	Características das vivendas	Prezo de venda
1	80,05 m². máis rocho. 1 dormitorio.	145.000 €
1	117,65 m². máis rocho. 2 dormitorios.	215.000 €
1	118,60 m². máis rocho. 2 dormitorios	216.500 €
1	82,40 m². máis rocho. 2 dormitorios	152.500 €

Por outra parte, adxudicaranse seis vivendas promovidas por San Paio Sociedade Galega Cooperativa de Vivendas. Neste caso as vivendas están rematadas e adxudícanse en réxime de alugueiro.

Número de vivendas	Características das vivendas	Prezo de alugueiro
1	89 m². 3 dormitorios.	604,78 € mes
3	88,20 m². 3 dormitorios	600,34 € mes
2	120 m². 4 dormitorios	777,11 € mes

As vivendas serán adxudicadas por sorteo entre as persoas inscritas no Rexistro de Demandantes de Vivenda, que deberán comunicar ao IGVS, no prazo de quince días, o seu interese en ser incluídos no sorteo.