A plataforma ‘A Auga é Vida’ pide a toda a veciñanza "expresar o seu rexeitamento, durante a retransmisión da carreira, a Cidade Deportiva do Celta en Mos operación "promovida por Nidia Arévalo e o presidente do R.C. Celta, Carlos Mouriño, no monte común de Tameiga" sinalan.

A plataforma pide  "a mobilización" da veciñanza nunha intensa campaña publicitaria que realizarán o próximo sábado, 4 de setembro, dende o colectivo aseguran que facilitarán as persoas que queiran sumarse á reivindicación pancartas para colgar "en lugares visibles ou nas vivendas situadas ao longo do percorrido, seguir a etapa dende as cunetas vestindo as camisolas verdes contra a construción do centro comercial e ondeando as bandeiras da plataforma", que se ofrecen de balde no local das Pedriñas (Comunidade de Montes de Tameiga).

A convocatoria da mobilización realizouse a través das redes sociais e centos de persoas xa expresaron xa "a súa vontade de participar" aseguran os responsables da iniciativa desta plantaforma nun comunicado de prensa.

Na información remitida aos medios aseguran que "non se vai establecer ningún punto de encontro para evitar aglomeracións nun determinado treito da etapa, por motivos de seguridade e tamén para darlle visibilidade á reivindicación ao longo de todo o ascenso ao porto".