Onte luns 18 de outubro ás 19h en Rúa do Principe, diante do MARCO, en VIGO  e en ata 30 capitais do país, celebraronse concentracións pola blindaxe constitucional das pensións.

A Mesa Estatal pola Blindaxe das Pensións (MERP) convocou “bastonadas” no centro de decenas de poboacións coa participación das organizacións da plataforma, nun acto que busca representar a importancia de blindar as pensións na Constitución.

Segundo portavoces da MERP “así como os bastóns sosteñen a quen os levan, as pensións son o sostén da nosa sociedade; a xubilación é algo polo que todo o mundo ten que pasar, e non pode ser máis que unha fonte de riqueza, de solidariedade, de estabilidade e de tranquilidade; as pensións son a columna vertebral da sociedade, o noso particular bastón, o sostén do noso futuro”.