O rei Filipe VI visitou esta mañá a fábrica de Stellantis en Vigo, a antiga Citroën, e alí probou as novas furgonetas eléctricas "made in spain". Son modelos comerciais lixeiros que están en pleno lanzamento comercial.

O Rei de España no dubidou en poñerse ao  volante dun dos seis modelos de furgoneta eléctrica que Stellantis saca ao mercado. Conduciu unha Berlingo co presidente da Xunta de copiloto e directivos da multinacional nos asentos traseiros.

O director da fábrica de Balaídos agradeceu o apoio da Casa Real a esta planta. E é que é a sexta vez que un rei a visita nas súas seis décadas de historia. Filipe VI estivo como príncipe no 96 e no 2013, e hoxe volve como rei con motivo dun novo lanzamento comercial da compañía.

Durante preto de dúas horas estivo o Rei na planta de Balaídos. Visitou o taller de baterías e as liñas de produción e probou un dos seis modelos de furgoneta que Stellantis lanza na súa versión eléctrica. Na visita estivo acompañado polo presidente da Xunta e a ministra de Traballo e altos directivos da compañía.