O obxectivo deste proxecto é substituír unha tracción ferroviaria contaminante, como é a impulsada por motores diésel, por unha fonte de enerxía limpa, o hidróxeno, que só emite vapor de auga á atmosfera. Desta maneira, a unidade Civia, de tracción eléctrica, poderá circular tamén por tramos non electrificados.

Unha vez concluída a instalación desta propulsión bi-modo (eléctrica e hidróxeno), cara a mediados de 2022, iniciarase un período de probas co fin de comprobar as capacidades do hidróxeno aplicado á tracción ferroviaria. O consorcio analiza neste momento as liñas sobre as que se poderían realizar estas probas, teniendo en cuenta o seu potencial e os seus beneficios ambientais.

O proxecto FCH2 Rail (Fuel Cell Hybrid Power Pack for Rail Applications) está financiado pola asociación público-privada Fuel Cell and Hydrogen Joint Undertaking (FCH JU), impulsada pola Unión Europea, dentro do seu programa Horizonte 2020. A FCH JU apoia a investigación de tecnoloxías enerxéticas limpas de carbono, e en particular, do desenvolvemento da pila de hidróxeno.

Para Renfe, este compromiso está integrado no seu modelo de xestión empresarial, a través dunha estratexia que impulsa a responsabilidade social, o coidado do medio ambiente, a igualdade, a cultura, a ética e a transparencia, en todos os seus ámbitos de actuación.