A Comunidade de Montes en Man Común de Torroso continúa coa explotación inmobiliaria dos montes iniciando a construcción doutro novo edificio que albergará un Centro de Día para persoas maiores. O inmoble contará con unha capacidade para 40 usuarias e ubicarase, nunha soa planta, dándolle as costas á estrada provincial Puxeiros – Mos.

A entidade, presidida por Camilo Grandal, ven de comezar esta semana unha nova obra arquitectónica que executará a empresa Laureano Covelo excavaciones y construcciones S.A., unha sociedade, con domicilio fiscal en Ponteareas, que foi elexida para acometer as obras baixo a dirección dos xa coñecidos arquitectos Perfecto Cendón e F. Javier Vázquez.

O Centro de Día estará en funcionamento o vindeiro ano 2022 e sitúase moi preto do Parque Forestal O Son do Reguerio e a escasos metros da urbanización na que se atopa o auditorio e a Escola de Música.