O pasado 7 e 8 de decembro celebrouse en Santiago o XIV Congreso dos socialistas galegos, que abre unha nova etapa no PSdeG baixo o liderado de González Formoso.

No congreso elixíronse tamén a dirección e os órganos de goberno que pilotarán o PSdeG os vindeiros catro anos. Así, entre os integrantes do Comité Nacional figura a concelleira socialista Vanesa Fernández, quen agradeceu a confianza depositada e amosou a satisfacción de que “Ponteareas estea representada nun órgano de Goberno tan importante”.

A concelleira socialista destacou a importancia de que o municipalismo estea presente nas accións políticas que tomará o PSdeG nos vindeiros anos xa que “a política non se pode entender deixando ao marxe o municipalismo que é a administración que coñece de primeira man os problemas dos veciños e veciñas”, salienta Vanesa Fernández.