Lazoiro acada o recoñecemento de dinamizador rural a nivel comarcal, dentro da gala dos II Premios ao Dinamizador Rural que desenvolve o GDR Condado Paradanta e que tivo lugar o pasado xoves 23 de decembro na escola de música de Rubiós, no concello de As Neves, presentada por Pepo Suevos. Este premio conta ademais cunha dotación económica de 1.000€.

O premio de dinamizador rural foi grazas aos proxectos desenvolvido pola asociación dende o seu nacemento o ano 2013, entre os que destacan Memoria de Salvaterra, de recuperación fotográfica, exposicións e curtas audiovisuais, 17 Parroquias, centrado en facer exposición sobre o patrimonio material e inmaterial das parroquias da vila ou o Proxecto Ríos, adicado á custodia e limpeza do río Tea e Miño. Ademais disto, destacar que, Lazoiro, organiza xornadas de botánica e astronomía, andainas, charlas e outro tipo de actividades relacionadas coa animación socio cultural de Salvaterra e as súas parroquias.