A Alcadesa de Mos anunciou, no Pleno Ordinario celebrado neste pasado luns, a data na que se celebrará o desfile de Rondallas, que estaba previsto para o pasado domingo e foi suspendido polas malas condicións do tempo.

As Rondallas de  Mos desfilarán "en principio" o próximo domingo día 2 ás 11.30 h. mañá e coa xente "repartida por toda a Avenida de Puxeiros" para evitar aglomeracións, sinalaba a rexedora local, quen insistía en que a Avenida "é moi grande" e que a xente "pode estar repartida" e cumprir coas medidas vixentes.

Cabalgata de Reis

No aire queda a celebración da tradicion al Cabalgata de Reis, a espera da reunión do Comité Clínico e das posibles medidas que se adpopten no mesmo. Nestes días darase a coñecer o formato do evento que será estático ou en movemento dependendo das circunstancias.