A delegada territorial da Xunta de Galicia, Marta Fernández-Tapias, visitou esta semana a nave de recollida e reparto da campaña solidaria “Cada neno un xoguete” impulsada desde Vigo pola Asociación Stop.

Xunto co seu director, Carlos Leiro, a representante autonómica fixo un percorrido polas instalacións e destacou a “gran labor” desta iniciativa social. Segundo informou, este ano prevén recoller e entregar uns 14.000 xoguetes, duplicando as cifras da campaña anterior, que serán repartidos entre diferentes asociacións de toda Galicia a través do programa “Xoguetes Viaxeiros”.