Dende Alternativa Ciudadana de Ponteareas denuncian "a situación catastrófica na que se mantiveron todos os aparcadoiros públicos da cidade durante a época de Nadal, sen contar cun mantemento adecuado nun momento de vital importancia anual para o noso comercio".

"A nula planificación e a inexistente comunicación dentro do equipo de goberno provoca que, ante a imperante chegada das choivas posteriores o verán, os numerosos socabóns dos aparcadoiros non fosen reparados en tempo e forma. Esta situación provoca que nestes meses sexa unha odisea esquivar as innumerables fochancas que imperan en todos eles, sen que a concelleira de Vías, Obras e Alumeado, a socialista Chus Garrote, realice ningunha actuación para solventalo" explican.

Tamén entenden que "non se pode realizar o asfaltado dos mesmos ao seren parcelas que non teñen titularidade municipal, pero si pedimos explicacións ante esta falta de traballos e esiximos a inmediata reparación de todos os aparcadoiros municipais, puntos de gran importancia no desenrolo diario de Ponteareas".

 

"O goberno acordase promociona o comercio local días despois de Noiteboa" sinalan den de ACIP

 

A propia Alcaldesa, Cristina Fernández, presentou unha campaña de promoción do comercio local o día 29 de decembro, "cando xa había pasado a celebración de Noiteboa, unha das datas de maior incremento de facturación. Este feito di moito da falta de interese do bipartito no pequeno comercio, dificultando o acceso os consumidores e obrigándoos a deixar o vehículo nunhas condicións nefastas".

O  portavoz, Juan Carlos González Carrera, sinala que «o goberno entende que esta é a forma de mostrar o atractivo de Ponteareas, pero o que si esta provocando é a caída das ventas».

"Son moitos os veciños e usuarios nos veñen trasladando a necesidade de case ter que utilizar botas de goma para baixar ou montar no seu vehículo para evitar mollar os pés, minimizando as veces que se desprazan ata o centro urbano de Ponteareas para evitar estacionar o seu vehículo nesas condicións"  explica.