RENFE vai a repoñer dous servizos ferroviarios entre Vigo Guixar (6:58 hs) e Santiago (8:27 hs) e Santiago (15:00 hs) e Vigo Guixar (16:44 hs) o luns 7 de Marzo, na sua actual oferta de trens no ámbito de Galiza.

Despois de dous anos de recortes por mor do COVID-19, a operadora pública ferroviaria mantén un total de 180 trens semanais suprimidos na Media e Longa Distancia de Galiza, entre os que destacan o tren hotel Galiza-Barcelona, os trens de proximidade Vigo Guixar-Pontevedra, Ourense-Carballiño, Vilagarcía-Santiago e Vigo Guixar-Valença do Minho, e o tren Galiza-Euzkadi.

Ante a posta en circulación de novos servizos o vindeiro 7 de Marzo, o Sector Ferroviario de CGT en Galiza, remitíu escrito a Dirección Xeral de RENFE Viaxeiros e Direccións de Servizo Público, Servizos Comerciais e Xerencia de Galiza, solicitando a reposición de un maior número de trens, achegándonos a situación de circulación de combois de antes do estado de alarma.

Destacar a situación de recortes de servizos no corredoiro Vigo-Ourense pola liña do Miño, que so ten agora mesmo en servizo un tren de ida e volta a Ponferrada que para en todas as estación e outro tren de Longa Distancia de ida e volta (o Alvia a Barcelona), e decir 2 circulacións de viaxeiros de ida e 2 de volta, deixando na mínima expresión o servizo ferroviario en ciudades como Porriño, Salvaterra, Arbo, Frieira, Filgueira, Ribadavia e Tui, esta última sen ningún servizo ferroviario de viaxeiros na sua estación do centro urbano.

Tamén O Carballiño sufre os recortes ferroviarios, con tan só un tren con Ourense e Santiago e este sen conexión con ningún tren a Madrid dos que saen dende Ourense.

Así mesmo propoñemos una serie de melloras nos servizos ferroviarios galegos en materia de horarios, tarifas, bonificacións e outros aspectos comerciais, que fagan mais atractivo o servizo ferroviario galego pra súa utilización de xeito recorrente por una parte importante da cidadanía galega. Como exemplo propoñemos as seguintes cuestión, apoiando en algún casos as reivindicacións das plataformas de viaxeiros e viaxeiras constituídas en Galiza :

• Modificación de horario tren 09072 con seu adianto na súa saída as 6:10 hs.
• Modificación horario tren 09061 Coruña-Ourense das 5:55 as 6:30 hs.
• Modificación horario tren 09351 A Coruña-Ourense con atraso na súa saída as 15:30 hs.
• Integración dos servizos ferroviario de Media Distancia de RENFE Viajeros no Plan de Transporte Público de Galiza, con inclusión dos seus sistemas tarifarios bonificados, como tarxeta de transporte público da Xunta de Galiza ou tarxeta Pass de Vigo.
• Aplicación da tarifa 4 de Media Distancia aos trens do corredoiro Coruña-Ourense e Santiago-Ourense e non a tarifa 5 do AVANT de Alta Velocidade.

Dende o Sector Ferroviario de CGT en Galiza, pensamos que se ten que fomentar o uso do ferrocarril en Galiza, implantando estas e otras medidas que adapten os servizos as necesidades e petos dos galegos e galegas.