Persoas profesionais e usuarias de COGAMI, acompañadas pola Alcaldesa de Mos, Nidia Mª Arévalo, reúnense este venres no Multiusos Pozas de Mos para facer un chamamento á cidadanía de cara a marcar o X Solidario á hora de facer a declaración da renda.  

Serán preto de trinta persoas as que se xuntarán para a lectura dun manifesto que recolle as principais reivindicacións dos colectivos sociais así como información dos programas que se poñen en marcha cada ano grazas ás persoas contribuíntes que marcan o X Solidario.

As entidades que conformamos o Terceiro Sector queremos lembrarlle á cidadanía que marcando a casiña de “Actividades de Interese Social” conséguese que un 0,7% dos nosos impostos se dediquen proxectos e programas a favor da inclusión social de persoas con discapacidade, mulleres, infancia e programas de cooperación...