A delegada territorial da Xunta en Vigo, Marta Fernández-Tapias, salientou  no  XVI Congreso de Letrados da Administración de Xustiza a implicación do Goberno galego na modernización xudicial de Galicia e puxo como exemplo a nova infraestrutura que está a construír na cidade.

“A Administración galega está a punto de inaugurar a nova Cidade da Xustiza de Vigo tras investir 40 millóns de euros na remodelación do edificio e o traslado das vellas dependencias, demostrando o seu esforzo e compromiso”, sinalou a representante autonómica.

O congreso, que se celebrará na sede do Museo Marco, está estruturado en catro mesas redondas para o intercambio de traballos, investigación e experiencias sobre varios temas de interese para o colectivo, no seu traballo e atribucións diarias.