A subdelegada do Goberno en Pontevedra, Maica Larriba, presidiu o pasado xoves, día 12 de maio, a Xunta Local de Seguridade do Concello da Guarda na que se subscribiu o protocolo de colaboración entre as Forzas e Corpos de Seguridade do Estado e a Policía Local no marco do programa de Seguimento Integral das Vítimas de Violencia de Xénero.

Este protocolo de colaboración é necesario para formalizar a adhesión do municipio ao Sistema VIOXÉN. O documento foi asinado polo alcalde da localidade, Antonio Lomba, e polo coronel xefe da Comandancia da Garda Civil de Pontevedra, Simón Venzal.

O Concello da Guarda, coa sinatura deste Protocolo materializa así o seu compromiso coa erradicación da violencia machista e coa protección das vítimas de Violencia de Xénero sumándose así aos restantes concellos da provincia que xa forman deste sistema.