O goberno local aprobou as listas definitivas de adxudicación para participar no programa municipal de inmersión lingüística “Vigo en inglés” edición 2020 para o alumnado que comezará este ano 1º de bacharelato. Segundo confirmou o rexedor, son 767 os estudantes que conseguiron praza polo que todos os solicitantes que cumprían os requisitos das bases accederon ao programa. O prazo para formalizar a praza empeza mañá día 20 e remata o xoves 26 de maio e as viaxes comezarán a partir do 1 de xullo.

As listas de admitidos das promocións de 2021 e 2022 publicaranse durante a primeira quincena de xuño. O alumnado de 2021 gozará da súa estadía entre setembro e outubro e o de 2022, entre outubro e novembro. O total de prazas ofertadas para os tres cursos oscila entre 2.500 e 3.000 e o custe de cada praza é de 2.400 euros.

Xer

A Xunta de Goberno tamén validou a proposta de reequilibrio da concesión do servizo público de estacionamento regulado e controlado na vía pública mediante parkímetros, coñecida como XER. A empresa concesionaria non poido executar o contrato entre o 16 de marzo e o 31 de maio de 2020 a consecuencia das medidas adoptadas pola pandemia polo que é preciso compensar á empresa. Os importes son 231.598,49 euros en concepto de ingresos efectivamente non percibidos por falta de actividade e 75.582,52 euros en concepto de custes de persoal, cantidade que só se abonaría no caso de que se anulara o ERTE que no seu día solicitou a empresa.

A forma de compensar esta suspensión de actividade articularse modificando o réxime económico do propio contrato. O remanente do contrato reverterá na empresa cando os ingresos excedan aos custos máis os beneficios e, se chegado o remate do contrato -en 2028 – non se producira o reequilibrio, ao liquidar a concesión figurará a favor da empresa unha partida de ingresos con esa diferencia.