Desde a concellería de Mocidade que dirixe o edil Leo Costas infórmase de que hoxe abriu o prazo de presentación de candidaturas para o concurso de frase convocado co motivo do día do Orgullo LGTBI+.

Desde o Concello de Mos quérese seguir dando continuidade e visibilidade a accións a favor dos dereitos LGTB e facer partícipe á poboación mosense.

O día do Orgullo LGTBI+  é o  próximo 28 de xuño con ese motivo organízase este concurso, no que a poboación  pode participar creando unha frase que englobe neste día a  diversidade sexual e de xénero.  

A frase gañadora será o slogan deste ano e  estará exposta dende o día 16 ao 30 de xuño na pantalla da rotonda das Angustias

Poderán participar todas aquelas persoas que o desexen que teñan máis de 12 anos. As persoas participantes poderán enviar  un máximo de dúas frases, no mesmo correo electrónico, no que farán constar o nome completo, o número de DNI, idade o un número de telefono. Só se admitirá un correo electrónico por persoa participante.

As frases que se presenten a concurso deberán constar dun máximo de 30 caracteres con espazos, contabilizándose como 1 carácter cada espazo. Ningunha frase poderá superar esta lonxitude. As frases deberán conter unha mensaxe que reivindique os dereitos ou emponderen ás persoas LGTBI+ e ter coherencia entre o significado da frase coa significación do día que se conmemora.

O prazo de presentación das frases conmemorativas ábrese hoxe 1 de xuño e será posible presentar propostas ata o día 14 ás 23:59 h. O envío será a través dun correo electrónico ao enderezo omix@concellomos.es coa frase conmemorativa que presenten a concurso (dúas por persoa) como máximo. No correo electrónico deberá constar o  nome, idade, dirección e teléfono de contacto, da persoa participante.

O criterio de  valoración que se terá en conta a hora de ditaminar o fallo do concurso, é que deberá ter coherencia entre; significado da frase coa significación do día que se conmemora, buscando un slogan idóneo, e que non precise explicación.

O xurado estará composto por: concelleiro delegado do departamento de Xuventude (Presidente),  3 persoas técnicas do CIM, a técnico do Departamento de Educación e a técnico do Departamento de Xuventude e Participación (secretaria). O xurado reunirase o día 15 de xuño para deliberar o fallo do concurso.  O día 16 de xuño farase público este fallo coa publicación do mesmo na sede electrónica do Concello.

A persoa gañadora  recibirá como  agasallo un vale por importe de 150 € para gastar en material de librería e será a encargada de ler o manifesto no Pleno ordinario do mes de xuño.