O pasado 14 de maio os socialistas asistiron a graduación da primeira promoción do Grado Profesional impartido no Conservatorio de Torroso. Escola de música que depende do centro cultural da parroquia e por tanto, non ten animo de lucro, e conta con subvencións das distintas administracións que lle serven para financiarse.

Sinalan os socialistas que este tipo de centros educativos están vinculados a Xunta de Galicia, xa que é esta quen ostenta a competencia en educación. Por tanto, dita administración conta cos fondos que debe de distribuír para atender as necesidades do sector educativo.  Aínda así durante a graduación, o xerente do conservatorio, na súa intervención deixou patente as necesidades as que teñen que facer fronte estas escolas de música.

Din dende a bancada socialista "entender que as necesidades da Escola de Música de Torroso foron en aumento. E que ditas necesidades deberían ser asumidas en maior medida pola Xunta de Galicia pero o Concello de Mos, co PP ao fronte nunca reclama máis fondos a esta administración. Feito que levou ao PSdeG local a presentar esta moción na que instan a Xunta de Galicia a aumentar a partida destinada a financiar as escolas de música vinculadas a entidades sen animo de lucro."

A voceira socialista, Victoria Alonso, recalca que "hai que solicitarlle os fondos a quen ten as competencias xa que son quenes teñen os recursos, e non facelo sería unha neglixencia que debe ser denunciada". Tamén quere resaltar que o concello prefire aportar recursos municipais no canto de esixirlle a Xunta máis recursos". Finaliza dicindo que ante a falta de compromiso do PP ca Escola de Música de Torroso, os socialistas toman a iniciativa de presentar esta moción.