O PSOE mosense ven de emitir un comunicado no que sinalan que "trala humanización na contorna da Igrexa de Torroso colocáronse sinais limitando a circulación a residentes. Durante a tarde do pasado luns día 31 de outubro, patrullas da Policía Local estiveron multando a vehículos que circulaban incumprindo as sinais de tráfico".

Os socialistas de Mos preguntaron por este feito no pleno do día 2 de novembro despois de, segundo aseguran, "recibir informacións contraditorias por parte da veciñanza, nas que se aseguraba que ditas multas ían ser xestionadas para proceder a súa retirada. Situación que os socialistas califican de pouco usual xa que a alcaldía non pode interceder na potestade da Policía Local".

Os socialistas inciden en que "este feito debese tamén a confusión provocada na veciñanza por dicir, previo as obras, que tan so se ía limitar o tráfico pesado no tramo das melloras. Afirman ser conscientes de que os condutores teñen que respectar as normas de tráfico, pero que neste caso ditas afirmacións previas provocaron que se incorrese en malentendidos. Ademais de incorrer nun problema para toda aquela veciñanza que quería e quere facer uso do torreiro da Igrexa, como viña sendo habitual. Situación confusa que a veciñanza piden que se aclare, xa que dito torreiro foi cedido a administración local para as obras de humanización".

A voceira socialista, Victoria Alonso, casegura que "entende o malestar da veciñanza e afirma que a situación viu provocada por unha mala xestión da información que se deu por parte do goberno, xa que deben concretar ca máxima brevidade a situación do tráfico nesa zona".