A ÚLTIMA CRIPTA arrinca co inexplicable descubrimento por parte do protagonista, Ulises Vidal -submarinista e trotamundos-, dunha campá enterrada nun arrecife coralino nas inmediacións da illa de Utila, fronte ás costas de Honduras. Axudado polo seu amigo, o profesor de Historia Medieval Eduardo Castelo, descubrirán que a campá ten unha orixe imposible… a menos que todos os libros de historia estean equivocados.

Dispostos a desentrañar o misterio, lánzanse nunha trepidante procura -á que se unirá a arqueóloga mexicana Cassandra Brooks- por España, Centroamérica, e África, arriscando a vida en innumerables ocasións e desentrañando un enigma tras outro, ata que, finalmente, os tres amigos descubrirán un transcendental secreto oculto durante case sete séculos no máis profundo da selva mexicana: que alguén alcanzou as costas americanas moito antes que Cristóbal Colón ...e ocultou alí un inconcibible secreto.