Ata o 26 de decembro, pódese visitar na sala de exposicións do Pazo de Mos, unha mostra do artista local; trátase do escultor e pintor Severiano Lago Palmero (ARTES RODIA) que achega unha selección de obras realizadas coa técnica en seco, tanto de grafito como de pastel.

O grafito gaña peso na súa obra e tenta acadar un realismo propio doutros medios, tratando de amosar como un material humilde pode alcanzar diferentes graos de calidade mediante o uso de sombreados, mesturas e a consecución de diferentes tonalidades.

Uns cadros que reivindican tanto pola temática coma polo material.

Arte figurativo que implican os conceptos anatómicos e a plasticidade dos sentimentos que un corpo esgota. Dende esta perpectiva capta e mostra as posibilidades do material.

A Alcaldesa de Mos, Nidia Arévalo, e a Concelleira de Educación, Julia Loureiro, interesáronse pola obra do autor mosense, Severiano Lago, nunha visita realizada nesta semana a súa exposición.