No Porriño non pode haber Nadal sen a música das súa rondallas. As dúas agrupacións do muncipio, a Rondalla da Asociación Recreativa Santa Eulalia de Atios e a Rondalla da Asociación Cultural Musical de  Pontellas, serán as encargadas de marcar o ritmo destes festexos con pasarrúas por todas as parroquias e presentes nos principais actos da programación de Nadal.

As pandeiretas empezarán a soar este este domingo 11 de decembro. A Rondalla de Pontellas actuará ás 16 h nas Mimosas de Carracido, ás 18 h na Forna de Budiño e ás 20 h fará un pasarrúas polo centro urbano. Pola súa banda, Santa Eulalia de Atios actuará ás 16 h na cultural de Chenlo, ás 18 h no centro cultural de Mosende e ás 19:30 h presentarase oficialmente no Centro Cultural de Atios.

A seguinte quenda será o sábado 17 de decembro. A Rondalla de Pontellas comezará a xornada en Cans ás 16 h e ás 18 h estará en el centro cultural de Casal en Budiño. A Rondalla Santa Eulalia de Atios arrancará ás 17 h cun pasarrúas en San Rosendo (Torneiros) e ás 18 h actuará no centro urbano e no Círculo Recreativo e Cultural. A tarde culminará ás 19:30 h no Centro Cultural de Pontellas co encontro entre ambas formacións.

O domingo 18 de decembro ambas rondallas se encontrarán no Centro Cultural de Atios ás 19:30 h.

As dúas agrupacións poñerán tamén a banda sonora ao arranque da Festa Pre-Fin de Ano que se celebrará o 30 de decembro , á Cabalgata das Súas Maxestades os Reis Magos de Oriente o 5 de xaneiro e, por suposto, serán as anfitrionas no Encontro de Rondallas do Porriño que este ano terá lugar o día 8 de xaneiro.