Os Bombeiros do Porriño rescataron á muller cunha escada pola fachada do edificio, situado na Rúa Fonte da Vila. Posteriormente, os servizos sanitarios evacuárona ao Hospital Cunqueiro. Ademais, os Bombeiros lograron salvar a dúas mascotas.

Concretamente, o lume afectou ao salón da vivenda, que resultou completamente calcinado.

Foi unha persoa particular quen contactou co 112 Galicia, ás 5:30 horas da pasada madrugada, para dar conta do incendio. Segundo indicaba, había unha muller no interior do piso afectado que non podía saír.

De xeito inmediato, desde o 112 Galicia requiriuse a intervención dos Bombeiros do Porriño, do GES-SPEIS de Ponteareas, de Urxencias Sanitarias de Galicia-061 e da Garda Civil.