Ás 14:30 horas desta tarde, recibiuse o aviso no Centro Integrado de Atención ás Emerxencias de Galicia para activárense os medios de rescate, pois o corpo estaba nunha zona de difícil acceso. Deste xeito, mobilizáronse os efectivos do GES do Val Miñor, como tamén os profesionais de Urxencias Sanitarias de Galicia-061 e os axentes da Policía Local. 

Tamén foi informada a Garda Civil, que xusto nese intre atopabase á fronte do operativo de busca en Gondomar, onde desapareceu este home o pasado 26 de xaneiro. Unha denuncia ante as forzas de seguridade permitiu iniciar os rastrexos, no que tamén participaron as agrupacións de voluntarios da contorna, como Val Miñor, O Rosal e Vigo, ademais da Policía Local de Gondomar.