A falta de acceso a banda ancha en Mos é un problema persistente, afectando ao 20% dos fogares e limitando a capacidade de traballar e estudar. Os veciños esixen solucións reais das compañías de telecomunicacións e non "parches temporais".

Os veciños presionan para mellorar a cobertura de fibra no municipio, mentres que algúns residentes e empresas víronse obrigados a instalar pola súa conta antenas ou conexións vía radio como solucións provisionais.

A empresa de telefonía está a substituír liñas de cobre por routers sen instalar fibra, o que causou perda de conexión e descontento entre algúns clientes que perden a posibilidade de instalar fibra no futuro. Algúns veciños esixen a instalación de fibra inmediata posto que as compañías telefónicas recibiron subvencións millonarias para iso.

Seguen sen acceso a fibra de banda ancha en Torroso nos barrios de Outeiro, Fontiña e Igrexa ademáis de Arrufana (Louredo) , Herville (Cela), Castro (Mos), Pedrapinta, Santa Marta e Veigadaña, Cabaleiros (Mos) e tamén parte da Porteliña (Petelos), entre outros moitos.