A sesión extraordinaria deste martes deu luz verde ao listado de persoas e entidades recoñecidas este ano cos máximos recoñecementos da cidade. Así o Pleno aprobou por unanimidade a concesión da Medalla de Ouro da cidade, a título póstumo, a Ceferino de Blas e a Medalla de Ouro da cidade 2023 a Estaleiros Armón.

O nomeamento das Viguesas e Vigueses Distinguidos recibiu o voto favorable dos grupos socialista, popular e mixto e a abstención do concelleiro non adscrito, polo que a lista de premiados é a que segue:

• África González, Catedrática de Inmunología na Uvigo

• Martín da Puente, tenista en cadeira de rodas

• María Castro, actriz e presentadora de televisión

• Miguel Méndez, adestrador, seleccionador baloncesto feminino

• Mariana Carballal, actriz

• Ana Ulla, científica viguesa

• Antón Vidal Andión, vicevaledor do Cidadán de Vigo desde 2002

• Centros educativos vigueses que cumpren 50 ou máis anos: CEIP Mestres Goldar, CEIP Ramón y Cajal (Picacho) e o Colexio plurilingüe Nosa Señora da Esperanza

• Racing de Castrelos Club de Fútbol, 100 anos

• Valladares Club de Fútbol, 100 anos

• Paco Amoedo, boxeador

• A carreira Vig-Bay

O acto de entrega dos galardóns será este xoves, 23 de marzo, ás 20 horas no Teatro Afundación. O autor do Bando da Reconquista será Roberto Cavallo, Director Xeral de Denso e presidente da Agrupación industrial da Automoción (CEAGA).